30 наурыз күні «Сапалы білім – саналы тәрбие – жауапты азамат» тақырыбында аудандық семинар-практикум өткізілді. Іс-шара барысында білім беру ұйымдарындағы тәрбие жұмысының өзекті бағыттары жан-жақты қарастырылып, мазмұнды тәжірибелік жұмыстар ұйымдастырылды.
Семинар барысында білім бөлімінің әдіскерлері Г.Т. Хабибуллина мен тәрбие ісі жөніндегі орынбасары Г.А. Ахаева құқық бұзушылықтың алдын алу, оқушылармен жүргізілетін профилактикалық жұмыстар және мектепішілік бақылауды ұйымдастыру мәселелері төңірегінде ой бөлісіп, маңызды ұсыныстарын ұсынды.
Сонымен қатар, әлеуметтік педагог А.С. Зайырова мектепішілік есепке алу құжаттамасының жүргізілу барысы бойынша таныстырылым жасап, есепке алу жұмыстарының тәртібі, құжаттарды жүйелі жүргізудің маңыздылығы және оқушылармен атқарылатын әлеуметтік-педагогикалық жұмыстар жөнінде тәжірибесімен бөлісті.Екінші кезеңде Г.А.Ахаева, А.С.Зайырова, А.М. Нухина тәжірибелік жұмыстар өткізді.
Аталған семинар-практикум тәрбие саласындағы өзекті мәселелерді талқылауға, тәжірибе алмасуға және білім беру ұйымдарындағы тәрбие мен бақылау жұмыстарын жетілдіруге бағытталған маңызды алаң болды.
